Атырауда көлік салонын «плацкартқа» айналдырып алған жүргізушілер ұсталды

4 желтоқсанда полиция өкілдері «Береке» ықшам ауданында Атырау – Шымкент бағытында жолға шыққан Van Hool маркалы автобусын тоқтатты. Салонды тексеру кезінде жүргізушілердің автобусты қонақүйге айналдырғаны анықталды. Креслолардың орнына екі қатар орнатылған 28 кереуетте 17 жолаушы жайғасқан. Бұл туралы azh.kz хабарлайды.

Екі жүргізуші де  Түркістан облысының тұрғындары. Атырау облыстық Полиция департаментінің баспасөз қызметі хабарлағандай, оларға қатысты көлік құралдарын пайдалану және жолаушыларды тасымалдау қағидаларын бұзғаны, сондай-ақ, жүргізушінің еңбек және демалыс режимін бұзғаны үшін әкімшілік хаттамалар толтырылды.