Сотқа дейінгі тергеу жүргізіліп жатыр
Павлодарда гараждағы көлікті мініп кеткен тұрғын ұсталды. Өтініш берушіге келтірілген залал 300 000 теңгені құрады, деп хабарлайды Рavlodarnews.kz.
«2 желтоқсанда полицияға қала тұрғынынан белгісіз адамның көлікжайдан «ГАЗ-3110» маркалы көлігін айдап кеткені туралы хабарлама келіп түсті. Жедел іздестіру іс-шаралары барысында патрульдік полиция батальонының қызметкерлері күдіктіні ұстады. Ұрланған көлік табылды», - деп жазылған ақпаратта.
Қазіргі уақытта аталған фактіге қатысты сотқа дейінгі тергеу жүргізіліп жатыр. Полиция ұрлықтың алдын алу үшін қауіпсіздік жүйесін қосып, барлық есіктер жабық екеніне көз жеткізуге кеңес береді.