Қарағанды облысында өрттен бір тәулікте үш адам қаза тапты

Қарағанды облысында өткен тәулікте өрттен үш адам қаза тапты. Бұл туралы ҚР Төтенше жағдайлар министрлігінің ресми өкілі Талғат Уәли мәлім етті, деп хабарлайды Azattyq Rýhy тілшісі.

«4 желтоқсан күні сағат 12.28-де Абай қаласында бес қабатты тұрғын үйдің төртінші қабатындағы пәтерден өрт шықты. Үй заттары мен ағаштан жасалған терезе жақтаулары жанған. Өрттің 5 шаршы метр аумақты шарпыған. Оқиға орнында 58 жастағы пәтер иесінің денесі табылды. 67 жастағы ер адам көмірқышқыл газына уланып, ауруханаға жатқызылды», - деп жазылған хабарламада.

Сондай-ақ, 5 желтоқсанда Шахтинск қаласының Шахан кентінде бес қабатты тұрғын үйдің бесінші қабатындағы пәтерде өрт шықты. Оқиға орнында 1957 жылы туған ер адам және 1962 жылы туған әйел қаза болды.