ШұғылҚазақстанда тағы 716 адамнан коронавирус анықталды

Алматы полициясы есірткі зертханасын жою бойынша арнайы іс-шара жүргізді

Тәркіленген шикізат пен дайын өнімнің жалпы салмағы 10 килограммды құрады

Алматы полициясы есірткі зертханасын жою бойынша арнайы іс-шара жүргізді, деп хабарлайды Polisia.kz.

1994, 1996 және 1997 жылы туған үш жігіттің қылмыстық іс-әрекетін ҚР ІІМ ЕҚКД және Алматы қаласы ПД ЕҚКБ қызметкерлері бірнеше арнайы іс-шаралармен куәландырды.

«Кешкі сағат 7 шамасында Абай даңғылында ішінде екі адамы бар «Hyundai» автокөлігі ұсталды. Күдіктілердің біреуі – А. есімді азаматты санкцияланған тінту кезінде «мефедрон» синтетикалық есірткі салынған бума табылды және тәркіленді. Күдіктілердің Жетісу ықшамауданындағы қарапайым пәтердің қабырғасында шөп жасағаны анықталды. Химиялық компоненттерді, яғни есірткі жасауға арналған заттарды олар тоңазытқышта сақтаған. Зал бөлмесінде ақ түсті ұнтақты зат, полиэтилен пакеттер (орауға арналған), өсімдік тектес жасыл түсті ұнтақ зат, қабаттары бар шыны колбалар, ақ түсті ұнтақты зат және басқа да жабдықтар табылды. Жатын бөлмеде «өндіріс жұмысшылары» химиялық реагенттерді, синтетикалық есірткілерді шығаруға арналған түрлі компоненттерді, екі магнитті араластырғышты, әртүрлі колбаларды, желдеткішті және екі май радиаторларын сақтаған. Біз үшінші күдіктіні жалдамалы пәтерден ұстадық», – деді Алматы қаласы ПД Есірткі қылмыстарына қарсы күрес басқармасының бастығы Ерлан Алмағамбетов.

Сот-химиялық сараптаманың қорытындысына сәйкес тәркіленген заттар – психотроптық зат «Меткатинон» (мефедрон). Тәркіленген шикізат пен дайын өнімнің жалпы салмағы 10 килограммды құрады.

«Ұсталғандар қамауға алынды. Қылмыстық іс ҚР ҚК-нің 297-бабы қылмыс белгілері бойынша тергелуде. Сонымен қатар, жалпы жедел іс-шаралармен қатар, есірткі қылмысына қарсы іс-қимыл саласындағы әлеуметтік үгіт материалдары арқылы халықтың есірткіге қарсы иммунитеттің алдын алу және қалыптастыру бойынша жұмыс тұрақты негізде жүргізіліп жатқанын атап өткен жөн. Бүгінде қала аумағында 56 сыртқы жарнамалық таблоидтар – билбордтар бар. Сондай-ақ, 79 LED-экрандар нашақорлықтың алдын-алуға бағытталған ақпаратты таратады», – деп қорытындылады сөзін Алмағамбетов.