Түркістан облысында жол апатынан үш адам қайтыс болды

Түркістан облысында жол апаты салдарынан үш адам көз жұмды, оның ішінде емізулі бала да бар. Бұл туралы Polisia.kz хабарлайды.

12 қараша күні таңғы сағат 09:00-де Алматы – Ташкент – Термез автожолының 725 шақырымында Daewoo Nexia автокөлігінің жүргізушісі рөлді басқара алмай, металл бағанаға соғылып, жол шетіне аударылған.

Оқиға орнында жүргізушінің үш туысы, соның ішінде кішкентай бала көз жұмды. Түрлі жарақат алған жүргізуші мен тағы бір жолаушы ауруханаға жеткізілді.

Төле би аудандық полиция бөлімінің қызметкерлері бұл оқиғаға қатысты тергеуді бастады.