Ақмола облысында 2 апта бұрын жоғалып кеткен балықшының денесі табылды

Ақмола облысы Астрахан ауданында жоғалған балықшының денесі табылды, деп хабарлайды Azattyq Rýhyтілшісі  Төтенше жағдайлар комитетіне сілтеме жасап.

«23 қазанда Астрахан ауданы Ұзынкөл ауылдық округінің Баршын көліне төрт адам балық аулау үшін барған болатын. Сол күні кешке үшеуі металл моторлы қайықпен көлде жүзген. Ал біреуі жағалауда қалған. 28 қазанда іздеу тобы екі балықшының денесін тапты. Ал үшінші балықшыны іздеу жұмысы 14 күнге созылды», - деп жазылған хабарламада.

Естеріңізге сала кетсек, бұған дейін Ақмола облысының Астрахан ауданында жоғалған үш балықшының екеуінің денесі табылғанын хабарлаған едік.