Атырауда сырттай 7 жылға сотталған грузиялық азамат ұсталды

Атырау полицейлері 3 қараша күні жедел-іздестіру іс-шаралары барысында Грузия елінің 35 жастағы азаматын ұстады. Оған грузин полициясы 2012 жылдың желтоқсанынан бастап алаяқтық қылмысы үшін іздеу салған. Бұл туралы Атырау облыстық Полиция департаментінің баспасөз қызметі хабарлады.

«2017 жылдың мамыр айында Тбилиси соты оны сырттай 7 жылға бас бостандығынан айырған. Өз елінің құқық қорғау органдарынан сегіз жыл бойы ізін жасырған азамат қазіргі уақытта Атырау қалалық полиция басқармасының уақытша ұстау изоляторына қамауға алынды», - делінген ақпаратта.

Қазір шетелдік азаматты экстрадициялау мәселесі шешіліп жатыр.