БҚО-да көлігімен каналға түсіп кеткен жүргізуші көз жұмды

Батыс Қазақстан облысында жүргізуші автокөлігімен каналға түсіп кетіп, қаза тапты, деп хабарлайды облыстық Полиция департаментінің баспасөз қызметі.

Қайғылы оқиға 31 қазан күні Ақжайық ауданында болған.

«Сағат 17.00 шамасында 33 жастағы жүргізуші «Фольксваген Гольф-2» автокөлігінің рөліне ие бола алмай, Бударин каналына түсіп кеткен», - делінген ПД баспасөз қызметінің хабарламасында.

Жүргізуші сол күйі автокөліктен шыға алмай, көз жұмған.

Марқұмның денесі судан шығарылып, сот-медициналық сараптама жасау үшін Орал қаласындағы мәйітханаға жіберілді.