Түркияда жер сілкінісінен қаза тапқандар саны 24 адамға жетті

Автор: Azattyq Rýhy

804 адам зардап шекті

Фото: reuters.com

Түркияда жер сілкінісінен 24 адам қаза тауып, 804 адам жарақат алды, деп хабарлайды Azattyq Rýhyтілшісі Түркия үкіметі жанындағы Төтенше жағдайлардың алдын алу және жою басқармасынына сілтеме жасап.

6,6 балдық жер сілкінісі 30 қазан күні жергілікті уақытпен 14.51-де, Измир провинциясы Сеферхисар ауданындағы Эгей теңізінің жағалауында тіркелген. Жер дүмпуі 15 секундқа созылып, Түркияның батысындағы көптеген провинцияда сезілген.

Жер сілкінісінен кейін теңіз деңгейі көтеріліп, бірнеше көшені су басқан. Измирде ондаған тұрғын үйдің қирағаны хабарланды.

Естеріңізге сала кетсек, кеше Қазақстанның Түркиядағы елшілігі шұғыл мәлімдеме жасап, қазақстандықтар хабарласа алатын телефон нөмірлерін жариялаған еді.