Түркияда жер сілкінісінен 4 адам қаза тауып, 120 адам жарақат алды

Түркияда 6,6 балдық жер сілкінісі болып, 4 адам қаза тапты. Тағы 120 адам жарақат алды, деп хабарлайды Azattyq Rýhy тілшісі Анадолы агенттігіне сілтеме жасап.

«Түркия үкіметі жанындағы Төтенше жағдайлардың алдын алу және жою басқармасының (AFAD) хабарлауынша, жерасты дүмпуі жергілікті уақытпен 14.51-де, Измир провинциясы Сеферхисар ауданындағы Эгей теңізінің жағалауында тіркелген. Жер дүмпуі 15 секундқа созылып, Түркияның батысындағы көптеген провинцияда сезілген», - деп жазылған ақпаратта.

Түркия президенті Режеп Тайып Ердоған Измирдегі зілзала салдарынан зардап шеккен отандастарына алаңдаулы екенін жеткізді.