Ресейде анасы екі қызын балконнан лақтырып жіберген

Саратов қаласының тұрғыны төртінші қабаттағы пәтердің балконынан екі қызын лақтырып жіберген, деп хабарлайды Azattyq Rýhy тілшісі РИА Новостиға сілтеме жасап.

«Әйел 5 және 8 жастағы қыздарын өлтіргісі келіп, төртінші қабаттан лақтырып жіберген. Балалар ауруханаға жеткізілді. Оларға медициналық көмек көрсетіліп жатыр», - деп жазылған хабарламада.

Әйел балаларды лақтырып жібергеннен кейін өзін пышақтап, терезеден секірмек болған. Белгілі болғандай, 39 жастағы әйел күйеуімен ажырасып, күйзеліске қарсы дәрілер ішіп жүрген. Сонымен қатар олардың мүлікті бөлу бойынша проблемалары болған.