Браконьер Шығыс Қазақстан облысында елікті атып өлтірді

Оқиға Семей-Курчатов тас жолының 45-ші шақырымында орналасқан Маралды ауылының маңында болған, деп хабарлайды Azattyq Rýhy тілшісі YK-news.kz-ке сілтеме жасап.

Табиғатты қорғау полициясының қызметкерлері рейд жүргізіп, орман алқабында оқ атылғанын естіген. Инспекторлар Toyota Hilux көлігінің орманнан шыққанын көрген.

«Жол талғамайтын көліктің жүргізушісі полиция қызметкерлерінің тоқтау туралы талабына жауап бермеді және жасырынуға тырысты. Автокөлікті тоқтату мүмкін болды. Toyota-ның жүк бөлімінен Сібір елігінің ұшасы, патрондары бар мылтық, пышақ табылды», — деп хабарлады ШҚО полиция департаментінің баспасөз қызметі..

«Елікті Бородулиха ауданының 40 жастағы тумасы атып өлтірген. Күдікті өз кінәсін мойындады. Қазіргі уақытта аталған факті бойынша қылмыстық кодекстің 337-бабы бойынша сотқа дейінгі тергеу басталды, сараптама тағайындалды», — деп толықтырды ШҚО ПД бастығы Сағат Мәдиев.