1 тонна балықты заңсыз жолмен жеткізбек болған екі ер адам жолда ұсталды

345 дана бекіре балығы мен салмағы 200 грамм қара уылдырық тәркіленді

1 тонна балықты заңсыз жолмен жеткізбек болған екі ер адам жолда ұсталды

Атыраулық полицейлер 1 тоннадан астам бекіре балығы мен қара уылдырық тәркіледі, деп хабарлайды Azattyq Rýhy тілшісі Polisia.kz-ке сілтеме жасап. 

Полиция департаменті қызметкерлері «Бекіре» жедел-профилактикалық алдын алу шарасы кезінде Атырау-Орал тас жолы бойында балық тиеген «Toyota Land Cruiser» көлігін ұстады. 345 дана бекіре балығы мен салмағы 200 грамм қара уылдырық тасыған Батыс Қазақстан облысының 28 және 29 жастағы екі тұрғыны осыншама балықты заңсыз жолмен Атыраудан Орал қаласына жеткізбекші болған. Тәркіленген бекіре балықтарының жалпы салмағы 1 тоннадан асады. Сотқа дейінгі тергеп-тексеру Қылмыстық кодекстің 339-бабы «Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу» бойынша жүргізілуде. 

Ұсталғандар қамауға алынды.

×
Бұл желілік ресурстың ақпараттық өнімдері 18 жастан асқан адамдарға арналған.