Алматыға ірі көлемде есірткі әкелмек болған жігіт ұсталды
Ол Жамбыл облысы Меркі ауданының 33 жастағы тұрғыны болып шықты
Алматыға ірі көлемде есірткі әкелмек болған жігіт ұсталды. 1987 жылы туған Б.есімді азамат Алматыға кіреберістегі экологиялық бекетте ұсталған, деп хабарлайды Azattyq Rýhy тілшісі.
«Кешкі сағат сегіздер шамасында Жандосов көшесінде, шаһардың кіреберісінде орналасқан стационарлық экологиялық бекетте мамандандырылған батальонның қызметкерлері «Тойота Камри» көлігін тоқтатты. Оның ішінде Меркі ауылынан келген Б.есімді азамат жолаушы ретінде келе жатты. Оның қатысуымен жеке тексеру кезінде процессуалдық тәртіпте ұнтаққа ұқсас заты бар полиэтилен орамы табылып, тәркіленді. Кейінірек сот-химиялық сараптама анықтағандай, көліктен жалпы салмағы 1 килограмм 088 грамм болатын гашиш табылған. Есірткі сатушы өзін-өзі ақтауға асықты, ол есірткіні үйден алып келе жатқанын және тек өзінің жеке қажеттілігі үшін ғана пайдаланатынын айтты. Шын мәнінде, ол үлкен шаһарға есірткі жеткізудің тұрақты арнасының бірі болуы мүмкін деген нұсқа бар. Осы бойынша жедел ақпарат мұқият тексерілуде », - деді Алматы қалалық ПД экстремизмге қарсы күрес басқармасы бастығының орынбасары, полиция майоры Мәулен Қасымжан.
Бұл факт сотқа дейінгі тергеудің бірыңғай тізіліміне ҚР ҚК-нің 296-бабы 4-бөлімі бойынша тіркелген. Қылмыстық істі Наурызбай аудандық полиция басқармасы жүргізуде. Ұсталған азамат ПД уақытша ұстау изоляторына қамалды.
