СҚО-да көмір тиелген тіркеме аударылды

Жол-көлік оқиғасы Солтүстік Қазақстан облысының Қызылжар ауданында тіркелді. «КамАЗ» көлігінің жүргізушісі Петропавл қаласынан Есіл ауданына бет алып бара жатқан. Бағдаршамның жасыл түсіне тоқтаған алдындағы көлікке соғылмау үшін жүк көлігінің жүргізушісі кенеттен тежегішті басқан. Салдарынан көмір тиелген тіркеме аударып қалған, деп хабарлайды Azattyq Rýhy тілшісі.

СҚО Полиция департаментінің баспасөз қызметінің мәлімінше, жол шетіндегі металл қоршаулар да зақымданған. Оқиға орнына келген Қызылжар ауданы полиция бөлімі құрамындағы әкімшілік полицияның инспекторы жол-көлік оқиғасы бойынша материал жинап, апаттың салдарын жою үшін жедел түрде тиісті шаралар қабылдаған.

«ҚазақАвтоЖол» ЖШС-ның жұмысшылары бірнеше сағат ішінде зақымданған қоршауларды қалпына келтірді. ҚР Әкімшілік құқық бұзушылық туралы кодексінің 610-бабы бойынша жиналған әкімшілік материал шығын көлемі анықталған соң сотқа жіберіледі», - делінген баспасөз қызметі таратқан хабарламада.

Эльмира Мәмбетқызы, СҚО