Нұр-Сұлтанда Алаш тас жолында көпір құлады

Нұр-Сұлтанда Алаш тас жолы бойындағы көпірі бөлшектеу жұмыстары кезінде опырылып құлады, деп хабарлайды Azattyq Rýhy тілшісі Төтенше жағдайлар департаментінің баспасөз қызметіне сілтеме жасай отырып.

Алаш тас жолындағы «Бүкір» көпірінің құлауы туралы ақпарат 20 қыркүйекте сағат 04:50-де түскен. Оқиға орнына ТЖД қызметкерлері жіберілді. Келгеннен кейін «КазахДорСтрой» ЖШС бөлшектеу жұмыстарын жүргізу кезінде темір жолдарға темірбетонның құлағаны анықталды.

«Бұл жерде жолдарды тазалау жұмыстары жалғасуда, көпір демонтажы жүргізілуде, пойыздардың қозғалысын кідірту жоқ, көпір бойынша машиналардың қозғалысы тек сол жақ бөлігінде ғана жабылды. Қаза болғандар мен зардап шеккендер жоқ», - деп хабарлады ТЖД.

Сондай-ақ, ведомство осы жылдың наурыз айында жол өткеліне визуалды тексеру жүргізілгенін еске салды. Анықталған ақаулары бар объект авариялық деп танылды, осыған байланысты осы көпір бойынша қозғалыс шектелді.

«Құрылыстың техникалық жай-күйін тексеру негізінде аталған жол өтпесі және  көпірдің бір бөлігі жабылды», - деп нақтылады департаменттен.