Оралда бес қабатты тұрғын үйден өрт шығып, 30 адам эвакуацияланды

Оралда бес қабатты тұрғын үйде өрт шығып, 30 адам эвакуацияланды, деп хабарлайды Azattyq Rýhyтілшісі БҚО ТЖ департаментінің баспасөз қызметіне сілтеме жасап. 

«Дәулеткерей көшесі 31-үйдің бесінгі қабатындағы 12-пәтерде жеке заттар жанды. Өрт аумағы 25 шаршы метрді қамтыды. Оқиға орнынан 30 адам шығарылса, олардың бесеуі – балалар. Зардап шеккен бір адам жедел жәрдем бригадасына тапсырылды», - деп жазылған хабарламада.

Қазіргі кезде өрттің шығу себебі, келтірілген шығын, кінәлі адамдар анықталып жатыр.