Ақмолалық келіншек әлеуметтік желі арқылы құрбысынан өш алған

Келіншектің суретін заңсыз пайдаланғандар оның телефон нөмірі мен жеке мәліметтерін бөлісіп, «интимдік қызмет көрсетеді» деген

Сұрастыра келгенде, күдікті мұндай қадамға араларында қызғаныштан болған жанжал түрткілігенін айтқан, деп жазады КТК арнасы.

Ақмолада полиция өз танысының фотосуреттерін желіде заңсыз пайдаланып, таратқан күдіктіні анықтады. 

2019 жылдың сәуір айында Көкшетау полициясына 36 жастағы жергілікті тұрғыннан арыз түскен. Ол белгісіз адамдар оның жеке суреттерін әлеуметтік желіде пайдаланып, жариялап жүргеніне шағымданған. Ол аздай, суретін заңсыз пайдаланғандар қыздың телефон нөмірі мен жеке мәліметтерін бөлісіп, оны «интимдік қызмет көрсетеді» деген. Мұны білген бойжеткен бірден полицияға арызданған.

«Anti-Fraud» жедел алдын алу іс-шарасы аясында күдікті ретінде Сандықтау ауданына қарасты бір ауылдың 32 жастағы тұрғыны анықталды. Сондай-ақ, әйелдердің бір-бірімен бұрыннан таныс екендігі белгілі болды. Сұрастыра келгенде, күдікті мұндай қадамға араларында қызғаныштан болған жанжал түрткілігенін айтқан. Қазіргі уақытта күдікті өз жасағанын мойындап, оған қатысты заттай дәлелдемелер де табылды.

Полиция азаматтардың немесе ұйымдардың құқықтары мен заңды мүдделерін немесе қоғамның немесе заңмен қорғалатын мемлекеттің мүдделерін бұзуға әкеп соқтыратын ақпарат жүйесіндегі немесе телекоммуникация желісіндегі электронды тасымалдағыштағы заңмен қорғалатын ақпаратқа қасақана заңсыз қол жеткізгені үшін заңда 160 айлық есептік көрсеткішке дейін айыппұл салынатынын, не болмаса 40 күнге дейін қамауға алынатынын ескертеді.

 

Сұхбат
Қазақстан ЖОО-ларында 17 мыңға жуық Өзбекстан азаматы білім алып жүр
Бірінші дәрежедегі маманның айтуынша, Қазақстандағы әрбір бесінші-алтыншы әйел қалқанша без ауруына шалдыққан
Саясаттанушы АҚШ мемхатшысы Майк Помпеоның Орталық Азия елдеріне жасаған сапары нені көздейтіне кеңінен тоқталды
Қазір ол дәстүрлі исламға бет бұрғанын айтады