Павлодарда қонақүйлердің бірінде өрт шықты

Павлодарда қонақүйлердің бірінде өрт шықты. Апат кезінде 7 адам эвакуацияланды, деп хабарлайды Pavlodarnews.kz.

Облыстық төтенше жағдайлар департаментінің баспасөз қызметінің мәлімдеуінше, 30 тамыз күні сағат 02:29-да Павлодар қаласы, Лимон аллеясы көшесі, 42 мекенжайындағы «Усадьба» ресторан-қонақүй кешенінде өрт шыққаны туралы қоңырау түскен.

«Ағаш кешен толығымен жанып кетті. Тілсіз жау 200 шаршы метр аумаққа жайылды. Апаттан зардап шеккендер жоқ. Өрттің шығу себебі анықталуда. Оқиға орнында жеке құрамның 34 сарбазы мен 11 техника жұмыс істеді», - деп жазылған ақпаратта.

Айта кетейік, өткен тәулікте облыста 5 өрт тіркелген.