Калифорния ормандары қызыл отқа оранды

АҚШ-тың Калифорния штаты тағы өртенді. Орман өрттерінің салдарынан 6 адам, оның ішінде екі құтқарушы қаза тапты, деп хабарлайды Azattyq Rýhy тілшісі. 

Елуге жуық тұрғын әртүрлі деңгейлі дене жарақатын алған. 700 үй ішінара немесе толығымен жойылды. Шамамен, төрт жүз мың гектар өртеніп кетті. 

Қазір жалын Сан-Францискоға қарай жылжып барады. Штат билігі 120 мыңға жуық тұрғынды эвакуациялауға бұйрық берді. 

Айта кетейік, 14 мың адамның отпен күресіп жатқанына қарамастан, оны толық сөндіру мүмкін болмады. Штат губернаторы басқа аймақтардан, тіпті, өзге мемлекеттерден көмек сұрады. Президент Дональд Трамп Калифорния билігіне федералды көмек көрсетуге бұйрық берді.