Бұған дейін әуе кемелеріне Жолдасбек Нұрымов, Салық Ахметов сынды ұшқыштардың есімі берілген
Қазақстанның Азаматтық авиация ардагерлерінің бастамасымен Азаматтық авиация академиясының әуе кемелерінің біріне еліміздің азаматтық авиация саласын дамытуға, сондай-ақ жоғары кәсіби кадрлар мен ұшқыштарды даярлау мен оқытуға үлкен үлес қосқан КСРО-ның еңбек сіңірген ұшқышы Якуп Ангарович Пархатовтың есімі берілді. Бұл туралы Азаматтық авиация комитетінің баспасөз қызметі хабарлайды.
Бұған дейін Азаматтық авиация академиясының әуе кемелеріне алғашқы қазақ ұшқыштары Жолдасбек Нұрымов, Салық Ахметов, Хамит Қалиев, КСРО-ның еңбек сіңірген ұшқыштары Сағынғали Нұрғалиев пен Владислав Марышев, «Құрметті авиатор» Наиля Сейфуллин және Кеңес Одағының екі мәрте батыры Талғат Бигелдиновтың есімі берілген.