Павлодарда төрт көлік соқтығысып, бір адам қаза тапты

Полиция жол апатына байланысты қылмыстық іс қозғады

Фото: t.me/tipavlo/Видеодан скрин

Павлодар – Кенжекөл тасжолында бірнеше көлік соқтығысып, бір адам қаза тауып, тағы бес адам жарақат алды, деп хабарлайды Azattyq Rýhy.

Павлодар облысының Полиция департаменті агенттікке берген мәліметінде УАЗ Patriot, Audi 100, BMW және Lada Priora көліктері соқтығысқаны айтылған.

Оқиғаға байланысты полиция қылмыстық іс қозғады. Жол апатының мән-жайы мен себептері тергеу барысында анықталады.

«Полиция департаменті жол қозғалысына қатысушыларға жол ережесі мен белгіленген жылдамдық режимін сақтауды еске салды. Әсіресе көлік қозғалысы қарқынды учаскелерде жылдамдықты сақтауға ерекше мән беру қажет», – делінген хабарламада.

Мақалада

#Павлодар облысы #жол апаты #жол-көлік апаты #адам өлімі

Алдыңғы жаңалық

Атырауда имам Жайыққа ағып бара жатқан сегіз жасар баланы құтқарып қалған