Астанада BMW жүргізушісі дрифт жасаймын деп бағанаға соғылды (ВИДЕО)

Астанада BMW жүргізушісі түнде дрифт жасаймын деп бағанаға соғылды. Жүргізушінің кім екені анықталып, әкімшілік жауапкершілікке тартылды, деп хабарлайды Azattyq Rýhy.

Желідегі видеоға назар аударсақ, оқиға «Барыс Арена» маңында болған.

Агенттік тілшісі жағдайға қатысты Астана қаласының Полиция департаментіне сауал жолдады. Белгілі болғандай, жол-көлік оқиғасы 15 қыркүйек күні сағат 03:00 шамасында Тұран даңғылы, 57 мекенжайында болған.

«BMW автокөлігінің жүргізушісі рульге ие бола алмай, көшені жарықтандыру бағанасына соғылған. Жол-көлік оқиғасы салдарынан зардап шеккендер жоқ. Көлік коммуналдық тұраққа қойылды», – деп хабарлады полиция.

Жүргізуші әкімшілік жауапкершілікке тартылды.