Қазақстанның ақылы тас жолдарындағы апаттардан бес ай ішінде 246 адам қаза тапқан

Қазақстанның ақылы тас жолдарындағы жол-көлік оқиғаларынан болатын өлім-жітім 26,8% төмендеді, деп хабарлайды Azattyq Rýhy «ҚазАвтоЖол» компаниясының баспасөз қызметіне сілтеме жасай отырып.

Дереккөзге сүйенсек, Қазақстанның республикалық маңызы бар автомобиль жолдарында соңғы жылдары алғаш рет жол қауіпсіздігінің негізгі көрсеткіштері бойынша тұрақты оң динамика қалыптасқан көрінеді.

«2026 жылдың алғашқы бес айының қорытындысы бойынша жол-көлік оқиғаларынан қаза тапқандар саны 26,8% төмендеп, 336 адамнан 246 адамға дейін азайды», - деп хабарлайды «ҚазАвтоЖол».

Бұл өткен жылдың сәйкес кезеңімен салыстырғанда 90 адамның өмірін сақтап қалуға мүмкіндік берді, дейді компания.