Өскемендегі жарылыстан кейін қаланы аяқасты бұлт басқан – оқиға орнына мамандар кетті

Бүгін Өскемендегі «Казцинк» зауытының аумағында жарылыс болғаны белгілі. Анықталғандай, жарылыстан кейін қаланы аяқасты бұлт басқан, деп хабарлайды Azattyq Rýhy.

Шығыс Қазақстан облысының Экология департаменті хабарлағандай, мамандар ауаны тексеріп жатыр. Дереккөзге сүйенсек, бұлт зауыт орналасқан өнеркәсіп аймағының аспанын тұмшалап алған.

«Өнеркәсіп аймағының аспанында бұлт пайда болғандықтан, жағдайды нақтылау үшін Экология департаментінің мамандары оқиға орнына аттанды. Олар ауаға қандай атмосфералық қалдық шыққанын анықтайды», - деп хабарлайды ШҚО-ның Экология департаменті.