Астанада робот иттер жұмысқа шықты (ВИДЕО)

Астанадағы сауда және ойын-сауық орталықтары, әуежайлар мен вокзалдарда робот иттер сақшы қызметін атқаруды бастады, деп хабарлайды Azattyq Rýhy. 

ІІМ дерегінше, робот видеокамерамен және бет-әлпетті тану функциясымен жабдықталған. Ол іздеу базасындағы ақпаратпен салыстырып, адамның жеке басын анықтай алады.

Сонымен қатар, робот ит дауыстық трансляция арқылы кез келген мәтінді жариялай алады, яғни ескерту беріп, тәртіп бұзушылықтарды хабарлайды.

Барлық видеожазба орталық қауіпсіздік басқару жүйесіне (ЦОУ) жіберіледі. Осылайша күдікті әрекеттерді жедел анықтауға мүмкіндік жасалған.