ШҚО-да телефон арқылы полиция қызметкеріне «жаман сөз» айтқан адам сотталды

Шығыс Қазақстан облысының Риддер қалалық соты телекоммуникациялық желілерді пайдалана отырып, қызметтік міндетін атқару кезінде билік өкілін қорлау фактісі бойынша өңір тұрғынына қатысты қылмыстық істі қарады, деп хабарлайды Azattyq Rýhy ШҚО сотының баспасөз қызметіне сілтеме жасап.

Оқиғаның мән-жайы

Сот анықтағандай, 2025 жылғы 6 тамыз күні шамамен сағат 23:00-де азамат Р. «102» жедел байланыс желісіне әдейі бірнеше рет қоңырау шалған. Телефон арқылы сөйлесу барысында ол қызметтік міндетін атқарып отырған Риддер қалалық полиция бөлімінің жедел кезекшісінің көмекшісіне қатысты бейәдеп сөздер айтып, балағаттаған.

Кінәні дәлелдеу

Сот отырысы барысында сотталушы өз кінәсін толық мойындап, өкініш білдіріп, жәбірленушіден кешірім сұраған.

Оның кінәсі келесі дәлелдермен расталды:

• жәбірленуші мен куәнің айғақтарымен;
• телефон арқылы сөйлесулердің аудиожазбаларымен;
• сот-психологиялық-филологиялық сараптама қорытындысымен;
• қылмыстық істің өзге де материалдарымен дәлелденген. 

Сот тағайындаған жаза

• Жаза тағайындау кезінде сот:
• сотталушының бұрын сотты болмағанын;
• тұрғылықты жері бойынша оң мінездемесін;
• жеңілдететін мән-жайлардың барын;
• ауырлататын жағдайлардың жоқтығын ескерді.

Осыларды ескерген сот оған. 80 сағат қоғамдық жұмыс жазасын кесті.  Сондай-ақ сотталған адамға қоғамдық жұмыстардан жалтарған жағдайда, олар әрбір өтелмеген төрт сағат үшін бір тәулік қамауға алу жазасы күтетінін түсіндірді.

Сот үкімі заңды күшіне енген жоқ.