Қазақстанда пандемия кезінде неше дәрігер қаза тапты

Пандемия басталғаннан бері, Қазақстанда 18 дәрігер бақилық болған. Бұл туралы бүгін бас мемлекеттік санитар дәрігер Айжан Есмағамбетова мәлім етті.

Бірақ, Есмағамбетова «олардың бәрі коронавирустан қаза тапқан жоқ, әртүрлі жағдайлар бар» дейді.

 «Пандемиядан бері Қазақстанда 18 дәрігердің өлімі тіркелді. Дегенмен, олардың бәрі тікелей коронавируспен ауырғандарға көмек көрсеткен дәрігерлер емес», - деді ол.

Ал, Қазақстанда бүкіл ауырған адамдардың 11,5% дәрігерлер құрайды. Бас-аяғы 511 дәрігер қазір коронавирустан емделіп жатыр. 492 дәрігерден өкпе қабынауы анықталған.