25 мамырдан бастап Қазақстанда ішкі тұрақты рейстердің барлығы қатынай бастайды
Атыраудан республиканың өзге қалаларына қатынайтын рейстер қайта ашылады
25 мамырдан бастап Қазақстанның барлық қалалары арасындағы әуерейстері қалпына келтіріліп, жұмысын жалғастарыды. Бұл туралы ҚР Индустрия және инфрақұрылымдық даму министрлігінің баспасөз қызметі хабарлады.
Еліміздің барлық әуежай жұмыы қайта жанданып, әуе компаниялары санитарлық-карантиндік шараларды сақтай отырып, рейстер санын дербес белгілейтін болады.
«Ұшақтар Көліктегі бас санитарлық дәрігер белгілеген санитарлық қауіпсіздіктің жоғары шараларын сақтай отырып, яғни жеке қорғаныс құралдарын пайдаланумен, сенсор термометрмен дене қызуын өлшеу, әлеуметтік қашықтықты сақтау арқылы ұшады және әуежайлар мен ұшақтарда күшейтілген залалсыздандыру жұмыстары жүргізіледі», - делінген ИИДМ хабарламасында.
Қазақстан аумағында коронавирус инфекциясының таралуына жол бермеу жөніндегі ведомствоаралық комиссия шешіміне сәйкес, 25 мамырдан бастап Атыраудан республиканың өзге қалаларына келесі бағыттар бойынша әуе рейстері қайта ашылады.
Әуе рейстері Көліктегі бас мемлекеттік санитар дәрігер бекіткен санитарлық қауіпсіздік негізінде жүзеге асырылады:
- жеке қорғаныс жабдықтарын пайдалану (бетперделер, қолғаптар);
- термометрия, әлеуметтік қашықтықтықты әуе кемесінің бортына отыруға дейін ұстану;
- әуежайлар мен әуе кемелердің күшейтілген дезинфекциясы.
