Бектенов Қырғыз президентіне Қазақстанның ғарыш саласындағы жетістіктерін көрсетті

Қырғыз Республикасының Президенті Садыр Жапаров Қазақстан Республикасына ресми сапары барысында «Қазақстан ғарыш сапары» ұлттық ғарыш орталығына барды, деп хабарлайды Azattyq Ruhy. 

Үкіметтің баспасөз қызметі хабарлағандай, қазақстандық мамандар Қырғыз президентіне ғарыш мониторингі саласындағы жобалар туралы айтып берген.

Сонымен қатар, Жапаров ғарышқа ұшыру алдында спутниктерді сынақтан өткізу жұмыстары жүргізілетін аумақтарды да аралап көрді.

«Орталыққа барған сапарында Қырғызстан басшысымен бірге Қазақстан Премьер-Министрі Олжас Бектенов жүрді. Сондай-ақ екі ел арасындағы ғарыш саласындағы серіктестікке де назар аударылды», - деп хабарлайды үкіметтің баспасөз қызметі.