Бектенов Оралда су тасқынының екінші толқынына дайындық барысын тексерді

Қазақстан Премьер-Министрі Олжас Бектенов су тасқынына қарсы іс-шараларды үйлестіру үшін Орал қаласында жүр, деп хабарлайды Azattyq Ruhy премьер-министрдің баспасөз қызметіне сілтеме жасай отырып. 

Дереккөзіне сүйенсек, Олжас Бектенов өңірге келісімен Жайық өзенінің жағалауын нығайту және бөгет құрылыстарын салу жұмыстарының барысын тексерген.

“Сонымен қатар Олжас Бектенов жағдайды бақылау үшін өңір аумағында орналасқан су қоймаларының өзен арнасын тікұшақпен аралайды”,-деп хабарлады үкіметтің баспасөз қызметі. 

Естеріңізге сала кетейік, бұған дейін хабарлағанымыздай, БҚО әкімінің баспасөз хатшысы аймақтағы жағдай бойынша дабыл қаққан.