ШұғылЖелтоқсан-қаңтар айларында Қазақстанда карантин күшейтілуі мүмкін

Жеке тұлғалардың банктік шоттарына қойылған шектеулер алынады

Бұл елдегі төтенше жағдай кезінде қолға алынған шара
 

Мемлекеттік әлеуметтік сақтандыру қорынан төтенше жағдайға байланысты табыстан айырылған адамдарға 42500 теңге сомасында ай сайынғы әлеуметтік көмек аудару басталды. Осыған орай банк шоттары бойынша шығыс операцияларын тоқтата тұру туралы өкімдер мен инкассалық өкімдер аумақтық мемлекеттік кірістер департаменттерімен кері қайтарылуды, деп хабарлады Мемлекеттік кірістер комитеті.

Сондай-ақ, Комитет тарапынан Әділет министрлігіне және Жеке сот орындаушылардың республикалық палатасына бұрын шығарылған сот бұйрықтары мен шешімдері, сондай-ақ жіберілген салық бұйрықтары бойынша азаматтардың кез-келген шоттарына салынған тыйым салудың әрекеттерін уақытша тоқтата тұруды және жеке тұлғаның берешегін өндіріп алу туралы орындалудағы салық бұйрықтары бойынша тыйым салуды тоқтата тұру туралы хат жолданған.

Еске сала кетейік, осыған дейін микро, шағын немесе орта кәсіпкерлік субъектілері санатына жатқызылған салық төлеушілер үшін салықтардың барлық түрі мен әлеуметтік төлемдер бойынша төлем мерзімі 2020 жылдың  1 маусымына дейін кейінге қалдыру туралы, тәуекел дәрежесі жоғары салық төлеушілерді қоспағанда, салық және кеден берешегін, сондай-ақ әлеуметтік төлемдер бойынша берешекті мәжбүрлеп өндіріп алу шараларын және мерзімінде орындалмаған салық міндеттемесін орындауды қамтамасыз ету тәсілдерін қолдану ағымдағы жылдың 1 маусымына дейін тоқтату туралы шешім қабылданған болатын (ҚР Үкіметінің 2020 жылғы 27 наурыздағы № 141 қаулысының 4.1) және 4.2)-тармақшалары).