Зейнетақы жинағының жеткілікті шегі қайта есептеле ме

Вице-министр зейнетақы көлемінің жеткілікті шегін есептеу әдістемесі әлеуметтік төлемдерге қарағанда өзгеше екенін атап өтті, деп хабарлайды Azattyq Rýhy агенттігі zakon.kz сайтына сілтеме жасап. 

Бұл сұраққа Еңбек және халықты әлеуметтік қорғау вице-министрі Ержан Біржанов жауап берді.

«Жоқ, біз оны қарастырмаймыз», - деді ол журналистің осы сипаттағы сұрағына жауап бере отырып.

Сонымен қатар, вице-министр зейнетақы көлемінің жеткілікті шегін есептеу әдістемесі әлеуметтік төлемдерге қарағанда өзгеше екенін атап өтті.

Ол жалақының өсуімен, болып жатқан өзге де өзгерістермен және сыртқы факторлармен байланыстырылуы тиіс. Еңбек және халықты әлеуметтік қорғау вице-министрі Ержан Біржанов

Біржановтың айтуынша, баспана сатып алуға осындай мүмкіндігі бар 770 мыңнан 400 мыңнан астам адам өз жинақтарын шешіп алған.

«Бұл жартысынан көбі. Шекті мәннің көлемі өсірілсе де белгілі бір санат, яғни 180 мыңнан астам адам осы мүмкіндікті пайдалана алады», – дейді ол.

Вице-министр қазір Еңбек министрлігіне шекті көлемнен артылған ақшасын алуға ниет білдірушілердің қалған бөлігі жүгініп жатқанын, бірақ олардың барлығы оны тұрғын үй жағдайын жақсартуға жұмсауды жоспарламайтынын атап өтті.

Қазір ИИДМ қаражаттың бір бөлігін Отбасы банктің депозитіне аудару бойынша қағидаларды әзірлеп жатыр. Мұндай мүмкіндік келесі жылы пайда болады.