ШұғылКоронавирусты жұқтыру қарқынында өсім байқалды

Ерлан Қожағапанов Мәдениет және спорт вице-министрі қызметінен босатылды

Ол жаңа қызметке тағайындалды

Ерлан Қожағапанов, фото: primeminister

Үкімет қаулысымен Ерлан Қожағапанов ҚР Мәдениет және спорт вице-министрі қызметінен босатылды.

Сондай-ақ ҚР Премьер-министрінің өкімімен Ерлан Қожағапанов Премьер-министрдің кеңесшісі қызметіне тағайындалды.

Ерлан Қожағапанов 1968 жылы Алматы облысында дүниеге келген. 1992 жылы Е. Бөкетов атындағы Қарағанды мемлекеттік университетін, 1999 жылы Абай атындағы Алматы мемлекеттік университетін тәмамдаған.

2006 жылы Ресей Кеден академиясын бітірген. Мамандығы бойынша біліктілігі — заңгер, экономист, қаржыгер, кеден ісінің маманы.

Еңбек жолын 1989 жылы бастаған.  1990-1994 жылдары кәсіпкерлік қызметпен айналысқан. 

1994-2007 жылдары мемлекеттік органдар мен кәсіпорындарда жұмыс істеген. 

2007-2013 жылдары Астана қаласы әкімінің орынбасары қызметін атқарған.  

2013-2016 жылдары ҚР Спорт және дене шынықтыру істері агенттігінің төрағасы, ҚР Футбол федерациясының президенті қызметтерін атқарған. 

2016 жылғы желтоқсаннан бастап 2017 жылғы қараша аралығында ҚР Премьер-министрі кеңесшісінің м. а., кеңесшісі қызметін атқарған.

2017-2020 жылдары — ҚР мәдениет және спорт вице-министрі. 

2020-2021 жылдары — Алматы қаласы әкімінің бірінші орынбасары.

2021 жылғы сәуірден бастап қазіргі уақытқа дейін ҚР мәдениет және спорт вице-министрі болды.