Ресей премьер-министрі елордаға келеді

Михаил Мишустин 2020 жылдың басында Қазақстанға жұмыс сапарымен келген еді

Ресей премьер-министрі Михаил Мишустин 18-19 тамыз аралығында жұмыс сапарымен Нұр-Сұлтан қаласына келмек. Бұл туралы ақпарат РФ үкіметінің ресми сайтында жарияланды.

Михаил Мишустин жұмыс сапары барысында ҚР Премьер-министрі Асқар Маминмен келіссөздер жүргізеді. Сонымен қатар ҚР Президенті Қасым-Жомарт Тоқаевпен және ҚР Тұңғыш Президенті Нұрсұлтан Назарбаевпен кездеседі.

Сондай-ақ тараптардың өнеркәсіп, энергетика, көлік, мәдени-гуманитарлық салалардағы Ресей-Қазақстан ынтымақтастығын дамытуды талқылайтыны айтылды. Еуразиялық экономикалық одақ аясындағы ынтымақтастықты кеңейтуге және коронавирус инфекциясына қарсы бірлескен шараларға ерекше назар аударылмақ.

Мақалада

#Ресей #Қазақстан #Михаил Мишустин

Алдыңғы жаңалық

Құрғақшылыққа байланысты дәнді-дақылдар егістерінің сапасы нашарлады - АШМ