ШұғылҚазақстанда бір тәулікте 1,5 мыңға жуық адам коронавирус жұқтырды

Қазақстандағы мектептердің барлығында арнайы күзет болады - ІІМ

Бүгінде 408 мектепте арнайы күзет бар, олардың барлығы ірі қалаларда орналасқан

Azattyq Rýhy / Батыржан Беспаев

ІІМ Әкімшілік полиция комитетінің төрағасы Мұрат Баймұқашев Қазақстандағы мектептердің барлығында арнайы күзет болатынын мәлімдеді.

«Бүгінде білім беру ұйымдарының көбі лаңкестік жағынан осал нысандардың қатарына енгізіліп отыр. Мамырдың басында «Террористік тұрғыдан осал объектілердің терроризмге қарсы қорғалуын ұйымдастыру талаптарын бекіту туралы» Үкімет қаулысы қабылданып, жаңа талаптар бекітілді», - деді комитет басшысы.

Комитет төрағасының айтуынша, білім беру нысандары бақылау жүйесімен, ұжым мен келушілерді құлақтандыру құралдарымен, дабыл түймешегімен, рұқсатпен кіру жүйесімен және арнайы күзетпен міндетті түрде қамтамасыз етіледі.

Бүгінде 408 мектепте арнайы күзет бар, олардың барлығы ірі қалаларда орналасқан. Бұдан бөлек, мыңнан астам мектеп дабыл жүйесіне қосылса, 333 мектепте турникет орнатылған.

Оқи отырыңыз: «Антитеррорлық қауіпсіздік тек теория жүзінде үйретіледі»: ТЖМ мамандары мен мұғалімдер пікірін айтты

Еске сала кетейік, 11 мамырда Татарстан астанасы Қазан қаласындағы №175 мектепке қару асынған адам кіріп, оқушылар мен мұғалімдерге оқ жаудырған. Соңғы мәліметтер бойынша, атыс салдарынан 11 адам қаза тауып, зардап шеккен тағы бірнеше адам ауруханаға жеткізілген.