Әлі қабылданбаған заңға педагогтар қарсылық білдірген болатын
Бүгін Парламенттің төменгі палатасы «Қазақстан Республикасының кейбір заңнамалық актілеріне педагог мәртебесі, оқушы мен мұғалімге жүктемені төмендету мәселелері бойынша өзгерістер мен толықтырулар енгізу туралы» заң жобасын қабылдады.
Енді құжат Сенатқа барып, сондағы депутаттардың талқылауынан өтеді. Аталған заң жобасы Мәжілісте талқыланғанда, оның ерекшеліктері туралы Azattyq Ruhy тілшісі жазған болатын. Ұстаздар наразылық танытқан тармақтардың бірі – мұғалімге ант қабылдату.
Бүгін құжат Мәжілістегі соңғы оқылымнан өткен соң, Білім және ғылым вице-министрі Бибігүл Асыловадан «Ант қабылдау» тармағы туралы сұрадық.
«Депутаттардың талап етуімен педагог мәртебесі туралы заң жобасынан ұстазға Ант қабылдату тармағын алып тастадық», - деді Бибігүл Асылова.
Кенжекей Тоқтамұрат, Нұр-Сұлтан