Тоқаев «ҚазАгро» мен «Бәйтерек» холдингтерін біріктіріп, штат санын 50%-ға қысқартуды тапсырды

Еліміздегі ең ірі холдингтер – «ҚазАгро» мен «Бәйтерек» бірігетін болды. Бұл туралы бүгін халыққа жолдау жасаған Мемлекет басшысы Қасым-Жомарт Тоқаев Үкіметке осындай тапсырма жүктеді.

Жалпы, Тоқаевтың айтуынша, кезінде құрылған екі компания Қазақстандағы индустрияландыру жұмыстарына ерекше үлес қосқан.

«Қазір біз мүлдем басқа жағдайда тұрмыз. «Бәйтерек» пен «ҚазАгро» холдингтерін біріктіріп, қаржылық мүмкіндігі анағұрлым зор мекеме құру керек. Осы ретте штат санын 50%-ға қысқарту керек», - деп тапсырма берді Тоқаев.

Кенжекей Тоқтамұрат, Нұр-Сұлтан