Тоқаев «СҚ-Фармация» мен Медициналық сақтандыру қоры басшыларын жұмыстан босатуды тапсырды

Мемлекет басшысы Қасым-Жомарат Тоқаевтың қатысуымен Үкіметтің кеңейтілген отырысында коронавирусқа қарсы күресте туындаған қиындықтарға байланысты тергеу жүргізуді тапсырды.

«Біз қазір дәрілердің жетіспеушілігі мен оның бағасын қолдан қымбаттату мәселесін шешуге мәжбүр болып отырмыз. Бұл жағдайды тез арада реттеп, барлық өңірді дәрі-дәрмекпен қамтамасыз ету керек. Жұмыс жүргізілуде. Енді нәтиже керек. Індет кезінде осындай жолмен пайда тапқысы келгендерді қатаң жауапқа тарту қажет. Менің тапсырмамнан кейін бұл бағытта жұмыс басталып кетті. Оны соңына дейін жеткізу керек. Себебі, бұл – түптеп келгенде, ұлттық қауіпсіздік мәселесі», - деді ол.

Сондай-ақ Президент «СҚ-Фармация» мен Медициналық сақтандыру қоры басшыларын жұмыстан босатуды тапсырды.

«Қазақстанда дәрі мен медициналық бұйымдардың көптеген түрін өндіруді жолға қоятын кез келді. Қашанға дейін импорттық дәрілерге тәуелді боламыз? Намысымыз қайда?

Біз қазір дәрілердің жетіспеушілігі мен оның бағасын қолдан қымбаттату мәселесін шешуге мәжбүр болып отырмыз. Бұл жағдайды тез арада реттеп, барлық өңірді дәрі-дәрмекпен қамтамасыз ету керек. Жұмыс жүргізілуде. Енді нәтиже керек.

Тергеу жүргізу керек, осындай қиындыққа кінәлі адамдардың бәрін жауапқа тарту керек. «СҚ-Фармация» мен Медициналық сақтандыру қоры басшыларын жұмыстан босатып, тергеу жүргізу қажет», - деді ол.