Бұл туралы Энергетика министрлігі хабарлады
6 маусым күні ОПЕК+ келісіміне қатысушы елдердің кездесуі өтті. Оған Энергетика министрі Нұрлан Ноғаев қатысты, деп хабарлайды Azattyq Rýhy тілшісі ҚР ЭМ баспасөз қызметіне сілтеме жасап.
«Нұрлан Ноғаев бұл келісім әлемдік мұнай индустриясына оң әсер етіп, мұнайдың әлемдік бағасының өсуіне серпін бергенін атап өтті. Кездесу барысында тараптар мұнай өндіру көлемін тәулігіне 9,7 млн баррель деңгейінде қысқартуды шілде айының соңына дейін ұзартуға шешім қабылдады», - деп жазылған хабарламада.