Қазақстанда тағы да бір такси түрі пайда болуы мүмкін

Еуропада сұранысқа ие такси қызметі Қазақстан нарығына кіруге ниет танытқан. Бұл туралы бүгін үкімет кулуарында көлік министрі Марат Қарабаев мәлім етті, деп хабарлайды Azattyq Rýhy.

«Бізге «Bolt» компаниясынан ұсыныс түсті. Бұл Эстонияның жобасы. Еуропада сұранысқа ие компания, яғни, Еуропаның яндекс сияқты такси қызметі. Олар біздің нарыққа қызыққаны рас. Егер нарыққа келіп, қызметін бастаймыз десе, біз оны қолдаймыз», - деді Қарабаев.

Естеріңізге сала кетейік, қазір Қазақстан нарығында сұранысқа ие компания -inDrive басшысымен кездескен көлік министрі енді бұл таксистер шетелдік көлікпен жүре алмайтынын, әр сапар сайын дәрігерден тексерілетінін айтқан болатын.