Қазақстан, Қырғызстан, Өзбекстан ортақ жобаны іске асырады

Темірхан Айжан

Қамбар ата СЭЦ-1 құрылысы бойынша Үйлестіруші донор комитеті құрылды 

Қазақстан, Қырғызстан, Өзбекстан ортақ жобаны іске асырады
Фото: Istockphoto

Қырғыз республикасындағы Қамбар ата су электр станциясы жобасын іске асыру үшін Қырғызстан, Қазақстан және Өзбекстан энергетика министрліктері арасында ынтымақтастық туралы ведомствоаралық келісімге қол қойылды, деп хабарлайды Azattyq Rýhy 24.kg-ге сілтеме жасай отырып. 

10 маусымда Венада өткен Халықаралық инвестициялық энергетикалық форумда Қамбар ата СЭЦ-1 құрылысы бойынша Үйлестірушілік донорлық комитеті құрылды.

Комитет құрамына Дүниежүзілік банк, ОПЕК Қоры, Азия даму банкі, Азия инфрақұрылымдық инвестициялар банкі, Ислам даму банкі, Еуропалық қайта құру және даму банкі және басқалары кірді.

2024 жылдың күзінде комитеттің бірінші сессиясы өтуі тиіс.

Еске салайық, былтыр 6 қаңтарда үш елдің энергетика министрлері Қамбар ата СЭЦ-1  құрылысының жобасын іске асыру бойынша Жол картасына қол қойған болатын.

×
Бұл желілік ресурстың ақпараттық өнімдері 18 жастан асқан адамдарға арналған.