Қазақстан Қытаймен қалай сауда жасайды?
Қазақстанның Қытаймен тауар айналымы 30%-ға өсті
2023 жылдың қаңтар–желтоқсан айларында Қазақстанның Қытаймен тауар айналымы 31,5 млрд АҚШ долларын құрады, бұл алдыңғы жылмен салыстырғанда 30,4%-ға көп. Бұл туралы Azattyq Ruhy Finprom.kz-ке сілтеме жасап.
Тауар айналымының көп бөлігін импорт құрады: 16,8 млрд АҚШ доллары, бір жылда 52,7%-ға көп. Сонымен қатар, Қазақстаннан Аспан асты еліне экспорты бір жылда 11,7%-ға, 14,7 млрд АҚШ долларына дейін өсті.
ҚР тауар айналымының жалпы құрылымындағы Қытайдың үлесі 22,5%, импорт құрылымында — 27,4%, экспорт құрылымында — 18,7% құрады.
ҚХР-дан Қазақстанға импортталатын ең танымал тауар санаты трикотаж және тоқыма киімдері және оның керек-жарақтары болып табылады: 2,4 млрд АҚШ доллары, өткен жылмен салыстырғанда 2,9 есе көп.
Бұдан бөлек, импорт үшін танымал тауарлардың қатарына телефондар, жеңіл автомобильдер, компьютерлер, сондай-ақ автомобиль бөлшектері жатады.
Қазақстан Қытайға негізінен шикі мұнай мен мұнай өнімдерін жөнелтті — 3,8 млрд АҚШ доллары, өткен жылмен салыстырғанда 8,2%-ға аз. Сондай-ақ негізгі экспорттық категориялардың қатарына тазартылған мыс және өңделмеген мыс қорытпалары, табиғи газ, бағалы және сирек жер металдар мен радиоактивті элементтер, сондай-ақ ферроқорытпалар жатады.
Алайда, ҚР Ауыл шаруашылығы министрлігі соңғы жылдары қытай халқы арасында органикалық және экологиялық таза қазақстандық ауыл шаруашылығы өнімдерін тұтынуға сұраныс артып келе жатқанын мәлімдеді. 2023 жылы Қытайға ауыл шаруашылығы өнімдерінің экспорты 2 есеге жуық өсіп, 1,01 млрд АҚШ долларын құраған.
ҚР резиденттерінің қытайлық инвесторлар алдындағы міндеттемелері өткен жылдың қыркүйек айының қорытындысы бойынша 13,8 млрд АҚШ долларын құрады, бұл өткен жылмен салыстырғанда 3%-ға көп.
Қытайлық инвесторлардың ҚР-ға салған салымдарының негізгі көлемі тау-кен өндіру өнеркәсібі мен саудаға тиесілі - 1,3 млрд және 1,1 млрд АҚШ доллары.
Өткен жылдың қаңтар–қыркүйек айларының қорытындысы бойынша Қазақстанға тікелей қытайлық инвестициялардың жалпы ағыны 1,4 млрд АҚШ долларын құрады, өткен жылмен салыстырғанда айтарлықтай 36,6% - ға өсті.
