«KTZ Express» АҚ Қазақстаннан Қытайға флекситанк ыдысына құйылған рапс майының алғашқы партиясын жөнелтті

Azattyq Rýhy

Қытай – әлемде рапс майының негізгі тұтынушысы

2325 тонна болатын рапс майын Көкшетау станциясынан Қытайдың Tianjin портына жөнелтуді «KTZ Express» АҚ мен ресейлік «Европак» компаниясы жүзеге асырды. Пилоттық жобаның ерекшелігі – жүк флекситанк ыдыстарына құйылған деп хабарлайды «Қазақстан темір жолы» ҰК» АҚ баспасөз қызметі.

Флекситанк – сұйық жүктерді тасымалдауға арналған, ыңғайлы құймалы жүкті төгуге арналған полимерлік иілімді сыйымдылық.

Контейнерлік пойыз Көкшетау станциясынан Tianjin (Xingang, ҚХР) портына Локоть эксп. – порт Находка эксп. (РФ) станциясының шекара өткелдері арқылы жөнелтілді. 

«Флекситанктармен тасымалдау – әр түрлі майларды, соның ішінде рапс майын тасымалдаудың прогрессивті әдістерінің бірі. Осыған байланысты майды тасымалдау дәл осылай жүзеге асырылады. Флекситанкті дәстүрлі цистерналарға сәтті балама деп санауға болады», - деп атап өтті «KTZ Express» АҚ басшысы Нұрлан Игембаев.

Қытай – әлемде рапс майының негізгі тұтынушысы. Бұл қазақстандық компаниялардан экспорттық өнімді жеткізу үшін басым бағыт. 2020 жылғы статистикалық деректерге сәйкес, Қазақстаннан ҚХР-ға 37 мың тоннадан астам осы өнім экспортталды.

Нұрлан Игембаевтың айтуынша, «KTZ Express» АҚ ұсынған тапсырыс берушінің талаптарына сәйкес бұл жеке логистикалық шешім болашақта басқа да отандық өндірушілер үшін тұрақты экспорттық сервис орнатуға мүмкіндік береді.

×
Бұл желілік ресурстың ақпараттық өнімдері 18 жастан асқан адамдарға арналған.