Қазақстанда сүт өнімдері қымбаттады

Қазақстанда шикі сүттің бағасы бір жылда 9,8 процентке қымбаттады, яғни 1 литрі орта есеппен 243,7 теңге болды, деп хабарлайды Azattyq Rýhy energyprom.kz сайтына сілтеме жасап. 

Ал майлылығы 2 жарым проценттік пастерленген сүттің литрі 6 жарым процентке немесе 258,1 теңгеге өсті. 

Жалпы 2020 жылы 598 жарым мың тонна өңделген сүт пен кілегей шығарылған. Сүт өнімдерінің 32 проценті Солтүстік Қазақстан облысына тиесілі. 

Сүт өнімдері бағасының қымбаттауы өнімге деген сұранысты төмендетті. 2020 жылдың үшінші тоқсанында әрбір қазақстандық 4,6 литр ғана сүт пен сүт өнімдерін тұтынған.