«Бұл – Қазақстан»: рэпер Snoop Dogg отандық өнімді танып қалды (ВИДЕО)

Америкалық рэпер және әнші Snoop Dogg кеңселерінің бірінде «Қазақстан» шоколадын көріп, бірден таныды, деп хабарлайды Azattyq Rýhy.

Қазақстанның туы бейнеленген «Қазақстан» шоколадын америкалық әнші елімізде жасалатынын айтты.

«Бұл – «Қазақстан» шоколады. Қазақстан деген елде шығарылады. Өте дәмді. Сыйлыққа берілген», - дейді тәттіні көрген Snoop Dogg.

Видеоны қазақстандық продюсер Баян Алагөзова жариялады. Продюсердің KeshYOU тобы Snoop Dogg-пен бірлесіп дуэт жазған еді.

Ал брендке айналған «Қазақстан» шоколадын шетелдік компания өндіреді. 2015 жылдан бастап «Лотте Рахат» АҚ акцияларының 92,44%-ын Оңтүстік Кореяның LOTTE Confectionery трансұлттық компаниясы сатып алған. Бұл оқиға қазақстандық шоколад өндірісі тарихындағы маңызды кезең болды, жаңа компания жаңа технологиялар мен халықаралық тәжірибе әкелді. Осылайша, «Қазақстан» шоколадының тауарлық белгісінде де өндіруші ретінде «Лотте Рахат» компаниясы көрсетілген.