Алматылық оқушылар Австралиядан жүлделі оралды

Қазақстанның «Sana Team» құрамасы FIRST Tech Challenge категориясы бойынша Asia Pacific Open Championship халықаралық чемпионатының жеңімпазы атанды, деп хабарлайды Azattyq Rýhy.

Оқу-ағарту министрлігінің хабарлауынша, еліміздің атынан «Білім-инновация» лицейі мен Республикалық физика-математика мектебінің 11-сынып оқушылары: Дарын Смайыл, Арнар Дәулетқұл, Әділ Тұрсынғали, Аббас Пахридин, Осман Акипбек, Асылхан Ыбырай, Ілияс Әшіралин, Алдияр Дәулетұлы, Жанайым Сабыржан, Ғазиза Кунгожина қатысты.

Жарысқа 11 елден барлығы 400-ге жуық бала қатысты. Финалдық кездесуде қазақстандық мектеп оқушылары БАӘ командасымен одақтасып, жеңіске жету үшін күресті. Екі күннің қорытындысы бойынша оқушылар екі марапатқа ие болды: Finalist Alliance Captain және «Motivate Award» номинациясында бірінші орын.

Чемпионатта жеңіске жету біздің оқушылар үшін әлемдік жетекші жоғары оқу орындарына грант алуға жол ашады.