Димаштың әндері Антарктидада шырқалып тұрмақ

Димаш Құдайбергенге және және Dears-ке арналған La Era Dimash радиостанциясы Антарктидаға жетті. Бұл туралы радио жүргізушілеріне берген сұхбатында «Эсперанза» ғылыми-зерттеу станциясының қызметкерлері айтты, деп хабарлайды Azattyq Ruhy.

Dimashnews.com мәліметінше, La Era Dimash қызметкерлері Аргентинада өз радиосын енді ғана іске қосып жатса да, қазақстандық әртістің дауысы Жер шарының әр түкпірінен естіліп тұрғанын қалаған.

«Радио станция алғаш рет эфирге шыққанда өзімізді асқан бақытты жан сезіндік. Күн сайын La Era Dimash бағдарламасы көрсетілген елдердің тізімі көбейіп жатыр. Енді екі жылдан кейін біздің радио 96 елде хабар таратады», – деді радиостанцияның басшысы Паола Профета.

2022 жылдың 11 қазанында «Эсперанза» зерттеу станциясынан хабар тарататын LRA36 радиосының қызметкерлері (шамамен Антарктика түбегінің қиыр солтүстігінде орналасқан аргентиналық зерттеу станциясы) La Era Dimash-қа қызықты сұхбат берді.

Әңгіме барысында Клаудия Альбаррасин, Мария Евгения Родригес, Ромина Забалза және Мариэла Чуркина алыс және суық континенттегі өздерінің қиын, бірақ қызықты жұмыстары туралы айтып, La Era Dimash хабар таратуы Антарктидаға жеткенін және қыздар қазақстандық әртістің әндерін тыңдауға мүмкіндік алғанын растады.

«Димаштың дауысын алғаш естігенде, біз қатты таңқалдық. Оның бойында ешкімде жоқ ерекше талант бар!» – дейді олар.