Ұлытауда республикалық этномәдени фестиваль өтеді

Ұлытау төрінде «Көкмайса – даланың тірі тарихы» республикалық этномәдени фестиваль өтеді, деп хабарлайды Azattyq Rýhy.

Өңір әкімдігінің мәліметіне сүйенсек, фестиваль 27 маусымда басталады.

«Құрметті, Ұлытау облысының тұрғындары мен қонақтары! Ұлытау төрінде «КӨКМАЙСА – ДАЛАНЫҢ ТІРІ ТАРИХЫ» республикалық этномәдени фестивалі өтеді! Фестиваль 27 маусым күні Ұлытау облысы, Жаңаарқа ауданы, Ералиев ауылында басталады», - деп хабарланған ресми мәліметте.

Әкімдік хабарлағандай, фестивальдің бағдарламасында:

• Этноауылдар мен ұлттық салт-дәстүрлер
• Қымызмұрындық рәсімі
• Ұлттық спорт ойындары
• Қолөнер көрмелері
• 500 бие сауылатын тарихи көрініс
• Танымал өнер жұлдыздарының концерті жоспарланған.