«Бір спектакльдің құны 20 млн теңге»: Әкемтеатр директорымен сұхбат
«Азат алаң» қонағы – Мұхтар Әуезов атындағы Қазақ мемлекеттік академиялық драма театрының директоры Еркін Жуасбек
Ақпан айында Алматыдағы Мұхтар Әуезов атындағы драма театрда дау шығып, актерлар сол кездегі директор Сәбит Әбдіхалықовтың қызметтен кетуін талап етті. Тіпті, ол іске Мәдениет министрінің өзі араласып, соңында өнер ордасына жаңа басшы тағайындалды. Дегенмен, өнертану ғылымдарының кандидаты, Қазақстанның еңбек сіңірген қайраткері Еркін Жуасбек әкемтеатрдың тізгінін осымен екінші рет қолға алып отыр.
Сонымен, өнер ордасындағы қазіргі ахуал қандай? Карантин кезінде жарты жыл бойы есігі жабық тұрған театрдың табысы қаншалықты құлдырады? Бір спектакльді сахналауға бюджеттен неге 20 миллион теңге бөлінеді? Бұл қаржы қалай жұмсалады? Киелі шаңырақта аударма пьесалардың көбейіп кеткені рас па? «Театр деңгейі плинтустан төмен түсіп кетті» деген актер Берік Айтжановқа Еркін Жуасбек не деді? Осы және басқа да сұрақтарға «Азат алаң» бағдарламасында театр директоры жауап берді.
